ILOILO CITY – Masobra 15,000 ka litro pa sang bunker fuel ang kuluhaon pa sa baybayon sang Iloilo kag Guimaras matapos nagluntad ang oil spill sang naglupok ang power barge sang AC Energy sa Bo.Obrero, Lapuz, Iloilo City.
Sa exclusive interview sang Bombo Radyo kay Commander Joe Luviz Mercurio, pinuno sang Coast Guard Station Iloilo kag tagpamaba sang Coast Guard District Western Visayas, iya ginpahayag nga sa subong, nagapadayon sa gihapon ang manual scooping sang nagtagas nga bunker fuel.
Suno kay Mercurio, masobra na sa 200,000 a litro sang bunker fuel ang ila nakuha matapos ang nagluntad nga oil spill.
Gin-athag man ni Mercurio nga nagabuligay man sila sang AC Energy sa diin sila ang nagahatag sang logistics, equipment kag nag hire naman sang mga tawo nga amo ang magapatigayon sang scooping sang bunker fuel.
