Ginkwestyon sang isa ka constitutional law expert ang gintawag niya nga wala nagakabagay sa kasuguan kag sala nga pagkalkula sang kampo ni Vice President Sara Duterte ang ila sabat sa mga Articles of Impeachment batok sa iya.
Kahapon sang nag-file ang legal defense team ni Duterte sang ila nga sabat kag ginhingyo ni Vice President Sara Duterte nga ibasura sang senado ang Articles of Impeachment.
Ginainsister sang kampo ni Duterte nga “constitutionally infirm, procedurally defective, kag substantively deficient” ukon may kakulangan kag mga depekto ang impeachment complaints batok sa bise president.
Sa interview sang Bombo Radyo kay Atty. Michael Henry Yusingco, iya ginpahayag nga base sa rules of impeachment sang Senado, duwa lang ang mahimo buhaton sang senado nga amo ang pag-convict ukon ang pag-acquit.
Suno kay Yusingco, ang pag-dismiss sang impeachment complaint ang maathag sa konstitusyon nga indi na kabahin sang katungdanan sang Senado.
