ILOILO – Aprubado na ang 2020 budget sang probinsya sang Iloilo sa ginpatigayon nga katapusan nga session sang Sanguniang Panlalawigan.
Sa interview sang Bombo Radyo kay Board Member Domingo Oso, Committee Chairman sang Committee on Appropriations iya ginpahayag nga mas ginpa temprano nila ang pagpasar sang pondo para sa 2020 ini agud indi na matabo pa ang natabo sini nga tuig kun sa diin wala nalakip ang syudad sang Iloilo sa nakabaton sang Seal of Good Local Governance.
Suno kay Oso, naaprubahan ang General Fund nga Php 3,029,873,051 kag Local Economic Enterprise nga Php 1,060,845,373 nga may kabug-usan Php 4,090,718,424.
Dugang sang natungdan, kadungan sang pagpasar sang nasambit ng pondo, una na nga gin aprubahan ang Supplemental Budget kun sa diin nalakip ang Service Recognition Incentive (SRI) nga naga balor P10,000 kag Productivity Enhancement Incentive nga P5,000 kag mahimo mabaton sang mga empleyado sang Iloilo Provincial Government subong nga tuig.
