Nagraduwar kag nakabaton na sang driver’s license ang masobra 200 ka benepisyaryo sang Land Transportation Office Scholarship Program.
Ginpatigayon ang ila nga graduation sa University of the Philippines Visayas kun sa diin magluwas sa paghatag sang lisensya sa mga nagraduwar, nagpatigayon man sang medical mission ang opisina upod ang volunteer doctors kag medical staff.
Sa interview sang Bombo Radyo kay LTO 6 Regional Director Atty. Gaudioso Geduspan II, iya ginpahayag nga dako ini nga bulig para sa mga scholars nga may kagustuhan nga mangin lisensyado na sa pagmaneho.
Nagapasalamat man ini nga nangin produktibo ang programa bangud halin sang bulan sang Mayo nga proseso kag training, nabaton na sang mga scholars ang ila nga libre nga lisensya halin sa LTO.
Suno pa kay Geduspan nga tinutuyo sini nga scholarship program nga makabulig sa benepisyaryo agud nga magamit nila ini sa ila pagpangita man sang trabaho.
