Ginkumpirma na ni Trade and Industry Secretary Alfredo E. Pascual nga 22 ka chief executives sang dalagku nga kumpaniya sa Estados Unidos sang Amerika ang maga-upod sa Presidential Trade Mission sa Pilipinas sa maabot na nga Marso 11-12.
Pangunahan ini ni US Commerce Secretary Gina Raimondo.
Lakip sa magabisita diri sa pungsod amo ang Google Asia Pacific, Visa Inc., United Airlines, United Parcel Service (UPS), FedEx, Mastercard, Microsoft Corp. kag Marquis.
Ini nga high-level United States Presidential Trade Mission ang kabahin sang napasalig sang Amerika sa idalom sang 123 Agreement nga pirmado nanday United States President Joe Biden kag President Bongbong Marcos sang Nobyembre sang nagligad nga tuig.
Base sa Philippine Economic Zone Authority (PEZA), ang Estados Unidos sang Amerika ang ikaduha nga pinakadaku nga foreign investor sa economic zones sini nga may 14.16% sang registered business enterprises.
