Nagdangat na sa 32 ang patay kasunod sang bagyo kag asud-asud nga mga buhawi nga naglaslas sa south-central kag eastern United States of America.
Ang isa sa pinakaapektado amo ang Tennessee nga may 15 ka mga nagkalamatay.
May 17 man ka casualties nga una na nga report sa Arkansas, Mississippi kag Alabama sa south, Indiana kag Illinois sa Midwest, kag Delaware sa mid-Atlantic.
Suno kay US President Joe Biden, gina-assess subong ang kahalitan sa sini nga mga estado kag handa ang gobyerno nga magsabat sa anuman nga dugang nga requests para sa Federal assistance.
Matandaan nga sang Byernes sang gin-report ang masobra 50 ka mga buhawi sa at least pito ka states sa Amerika nga nagguba man sang mga building kag nagpalupad sang mga salakyan.
Natabo ini sa South kag Midwest isa ka semana lang matapos ang paglaslas man sang buhawi kag bagyo sa Southeast nga nagpatay man sang 26 ka tawo kag naghalit sa daku nga bahin sang Rolling Fork, Mississippi. ##
