ILOILO– Nagikan sa Negros Occidental ang 256 sa 345 ka panibag-o nga mga kaso sang COVID-19 sa Western Visayas.
Base sa Abril 12 nga bulletin sang Department of Health (DOH) Region VI, nakasaad nga magluwas sa Negros Occidental, nadugangan man sang 10 ka kaso ang Aklan, 8 sa Antique, 1 sa Guimaras, 23 sa Iloilo Province, 42 sa Bacolod City, kag 5 sa Iloilo City.
May 122 man ka panibag-o nga naka-recover kag apat ang nagdugang sa mga napatay.
Ang Western Visayas ang may yara na subong sang 30,178 ka kabug-usan nga kaso sang COVID-19 apang 3,366 diri ang nagapabilin nga aktibo.
25,999 naman ang reported recoveries kag 807 ang reported deaths.
Kun pahat-pahaton ang mga kaso sa rehiyon:
Aklan – 1,347
Antique – 549
Capiz – 1,395
Guimaras – 372
Iloilo – 5,546
Negros Occidental – 8,600
Bacolod City – 6,457
Iloilo City – 5,912
