ILOILO CITY- Ginabanta nga 40 na ang napatay sa India kag Bangladesh matapos naglaslas ang Tropical Cyclone Remal nga may dala nga mabaskog nga ulan kag hangin.
Indi magnubo sa pito ang patay sa eastern Indian state sang West Bengal, pito sa southern Indian state sang Telangana, 12 sa northeast Indian state sang Mizoram, kag 10 naman sa Bangladesh.
Una na nga gin-evacuate ang masobra 1 million ka mga tawo sa India kag Bangladesh matapos nag-landfall ang bagyo malapit sa border sa tunga sang duha ka mga pungsod.
Suno sa otoridad, ginpahulag na ang mga volunteers kag army staff agud mag-assist sa clean-up efforts, kag magpanagtag sang tubig kag pagkaon sa mga apektado nga pamilya.
