Pilason ang duwa ka suldado kag tatlo ka mga sibilyan matapos ginhabuyan sang granada ang convoy sang Armed Forces of the Philippines (AFP) sa Shariff Aguak, Maguindanao del Sur.
Sakay sang military truck ang mga personnel sang 2nd Special Reaction Battalion sang Philippine Army.
Padulong kuntani ang mga ini sa banwa sang Isulan sang ginhabuyan sang hand grenade sang wala pa nakilal-an nga mga suspek nga sakay sa motorsiklo.
Gilayon nga naglupok ang granada nga nagresulta sa pagkapilas sang mga biktima nga padayon subong nga ginabulong sa ospital.
Nagapadayon pa ang imbestigasyon sa insidente.
