ILOILO – Nagguwa sa report sang Commission on Audit nga may yara sang 68 ka mga proyekto sa Iloilo nga nagabalor P130.148 million ang wala pa makumpleto as of December 31, 2023.
Ang mga proyekto ang ginpondohan sa idalom sang Local Government Support Fund – Support to the Barangay Development Program (LGSF-SBDP) sang National Task Force to End Local Communist Armed Conflict (NTF-ELCAC).
Apang sa 68 ka mga proyekto, 42 pa diri ang wala ma pondohan nga nagabalor P97.884 million.
Bangud sini, ginrekomenda sang Commission on Audit sa Iloilo Provincial Government nga i-comply ang requirements sa idalom sang Department of the Interior and Local Government Memorandum Circular 2023-063 partikular na sa commitment sa pagpain sang local funds kag pagkumpleto sang proyekto kag pagpadasig nga pagkaayo sang mga proyekto nga ginpondohan sang LGSF-SBDP sang NTF-ELCAC agud malab-ot ang objectives sang programa.
Base sa sabat sang Iloilo Provincial Government, nagpain ini sang P51.055 million agud makumpleto ang 57 ka mga proyekto kag as of July 26, 2024, yara na sa implementation stage ang 23 ka mga proyekto samtang ang nabilin ang yara sa procurement stage.
Nagpain man ang Iloilo Provincial Government sang P29.200 million agud makumpleto ang dugang nga 10 ka mga ELCAC projects.
Nagpasalig ang Provincial Government nga padayon nga maga-request ang Provincial Engineer’s Office sang allocation agud makumpleto ang nabilin nga proyekto.
