Nagdangat na sa 68 ka tawo ang napatay sang nagtibusok ang isa ka eroplano malapit sa syudad sang Pokhara sa central Nepal.
Ini ang ginakabig nga pinakamakamamatay nga plane crash sa Nepal sa sulod na sang 30 ka tuig.
Ginapahayag nga naglupad ang twin-engine ATR 72 aircraft halin sa capital nga Kathmandu padulong sa Pokhara nga nahamtang 200 kilometers (125 miles) west.
72 ka mga tawo ang sakay sang eroplano kun sa diin apat ang crew members kag 68 naman ang pasahero.
37 diri ang mga lalaki, 25 ang mga babayi, tatlo ang kabataan, kag tatlo ang mga lapsag suno sa rekord sang civil aviation authority sang amo nga pungsod.
Suno pa sa civil aviation authority, 53 sa mga pasahero kag ang apat ka crew members ang lunsay Nepali.
May 15 naman ka foreign nationals kun sa diin lima ang Indian, apat ang Russian kag duha ang Korean samtang may yara man sang mga pasahero halin sa Australia, Argentina, France kag Ireland.
Magapadayon ang search operation subong nga adlaw agud nga makit-an ang lima ka iban pa nga recorded nga sakay sang aircraft.
May yara naman sang five-member committee nga gintukod agud nga investigate sa rason sang pagtibusok. ##
