[Warning:Sensitive content]
Patay ang mag-utod nga pito ka bulan nga lapsag kag tatlo ka tuig nga bata matapos ginbuno sang ila kaugalingon nga iloy sa ila balay sa Purok-5, Brgy. Magsaysay, Nabunturan, Davao de Oro, subong nga adlaw, Pebrero 17.
Gin-ako mismo sang suspek sa iya amay nga ginpatay sini ang duha ka bata samtang nagakatulog.
Pagkatapos sang krimen, ginbuno man sini ang iya kaugalingon.
Ginpahayag man nga antes ang krimen, nagbaisay ang suspek kag ang iya bana.
Suno sa otoridad, posible nga nagsuprir sang postpartum depression ang suspek nga naka-hospital arrest subong.
Posible naman nga mangatubang sang kaso nga duha ka counts sang parricide ang nasambit nga iloy.
