Nagpaguwa na ang Sandiganbayan Sixth Division sang Precautionary Hold Departure Order (PHDO) batok kay former Senate President kag incumbent Senator Chiz Escudero amo man sa negosyante kag ginaalegar nga bagman sini nga si Maynard Ngu.
Sa order sang tribunal nga gindagdag subong nga Lunes, Abril 27, ginmanduan ang Commissioner sang Bureau of Immigration nga indi pagtugutan nga makaguwa sa Pilipinas ang nasambit nga respondents kag dapat nga ilakip ang ila pangalan sa Hold Departure List.
Ang nagapanguna sa Sandiganbayan Sixth Division amo si Associate Justice Sarah Fernandez.
Matandaan nga sang weekend sang ginkumpirma ni Ombudsman Jesus Crispin “Boying” Remulla nga naghingyo sila sa Sandiganbayan nga ipaguwa ang amo nga order.
Ini samtang ginapreparar na sang prosecutors ang kaso nga plunder batok kanday Escudero kag kay former Speaker Martin Romualdez bangud sang ginaalegar nga kahilabtanan sa flood control corruption scandal.
Nauna nga nagguwa ang pangalan ni Escudero sa nasambit nga eskandalo sang nabalahuba nga ang iya nagapanguna nga campaign donor amo si Lawrence Lubiano nga president sang Centerways Construction and Development Inc.
Pagkatapos sini, nagguwa man si former Department of Public Works and Highways undersecretary Roberto Bernardo kag gin-implicate si Escudero sa ginaalegar nga kurapsyon.
Gin-alegar sini nga nakabaton si Escudero sang P160-million nga kickback.
Gin-alegar anay ni Bernardo nga personal sini nga gindul-ong ang kuwarta sa tech-billionaire nga si Ngu nga amo naman ang ginaalegar nga tiglawas ni Escudero.#
 batok kay former Senate President kag incumbent Senator Chiz Escudero.){kind=link}