Ginbali sang Communist Party of the Philippines (CPP) ang pahayag sang militar nga lunsay armado nga rebelde ang 19 ka mga tawo nga nagkalamatay sa engkwentro nga natabo sa Toboso, Negros Occidental sang Abril 19.
Suno kay CPP chief information officer Marco Valbuena, 10 lang sa mga napatay ang myembro sang New People’s Army (NPA)-Negros Island (Apolinario Gatmaitan Command).
Gin-alegar sini nga indi armado ang siyam ka iban pa nga mga napatay kag indi man parte sang ila nga grupo — baliskad sa ginapanindugan sang Armed Forces of the Philippines (AFP) kag Philippine Army (PA).
Bisan nga wala pa opisyal nga nag-release ang AFP kag ang Philippine National Police (PNP) sang pangalan sang casualties, ginhingadlan sila sang CPP sa ila statement nga ginpaguwa.
Sandig sa CPP, ang armado nga combatants nga mga myembro sang NPA amo sanday:
Roger Fabillar (Ka Tapang), NPA commander sang Northern Negros Front
Sonny Boy Caramihan, 28, sang San Carlos City
Rene Villarin Sr., 57, squad leader; kag Arnel Javoc, 32, pareho nga halin sa Calatrava
Pedro Bonghanoy, medical officer, kag Jocel Gimang, 18, pareho nga halin sa Escalante City
Joros Caramihan, 18, halin sa Don Salvador Benedicto
Maria Clarita Branzuel Blanco (Ka Sanim/Pat), political instructor
Genevieve Balora (Ka Raia), district party cadre halin sa Bacolod City
kag Labskie Purisimia Enustacion, 33, halin sa Toboso
Suno pa sa CPP, sibilyan ang nabilin nga siyam ka patay lakip na ang duha ka mga menor de edad. Gin-identify man sila sang CPP nga amo sanday:
Roel Sabillo, 19, sang Barangay Tabunac, Toboso
R.J. Nichole Ledesma, 30, community journalist halin sa Bacolod City
Alyssa Alano, councilor, UP Diliman Student Council
Maureen Keil Santuyo, 24, member sang National Network of Agrarian Reform Advocates (NNARA-Youth)
Errol Wendel, 24, member sang Unyon ng mga Manggagawa sa Agrikultura
Lyle Prijoles, 40, sang International Coalition for Human Rights in the Philippines, halin sa San Franciso, California
Kai Sorem, 26, halin sa Seattle, Washington
15-anyos nga residente sang Sitio Plarending, Barangay Salamanca, Toboso
kag 17-anyos nga residente sang Sitio Buklog, Barangay Lalong, Calatrava, Negros Occidental
Gin-ako sang CPP nga nagsuprer ang NPA sang “tactical defeat” sang amo nga adlaw apang ginpahayag nila nga indi sini malingkang ang ila nga kampanya sa banas sang rebolusyon para sa “strategic victory.”
“We commiserate with the loved ones and comrades of the fallen Red fighters of the NPA,” suno sa CPP.
“The New People’s Army suffered a tactical defeat that fateful day but remains clear-sighted and determined to advance along the revolutionary path toward strategic victory,” dugang sini.
Una na nga nagpanindugan sanday AFP Chief General Romeo Brawner Jr. kag Philippine Army spokesperson Col. Louie Dema-ala nga ang tanan nga napatay lakip na si Alano ang armado sang amo nga adlaw kag ginaalegar nga nakit-an mismo sang mga soldado nga lakip ini sa naga-intra mismo sa engkwentro.
Sang Domingo, gin-anunsyo naman sang Commission on Human Rights (CHR) nga naglunsar na ini sang independent investigation sa insidente paagi sa ila opisina sa Negros Island Region kasunod sang panawagan sang human rights advocates.#
