ILOILO CITY- Duha ang patay sa bungguanay sang motorsiklo kag de-pampasahero nga jeep sa Sen. Benigno Aquino Jr. Avenue, Mandurriao, Iloilo City.
Ang napatay nga mga biktima amo ang driver sang motorsiklo kag ang iya angkas.
Wala ginpangalanan ang mga biktima bangud wala sang pahanugot sang ila pamilya apang residente ang mga ini sang San Miguel, Iloilo.
Sa interview sang Bombo Radyo kay PMSgt Carl Petalco,traffic investigator, iya ginpahayag nga nagcounter-flow sa dalan ang motorsiklo kag nasugata ang jeep nga may ruta nga Sta. Barbara, Iloilo City kag nagluntad ang head-on collision.
Suno kay Petalco, dead on the spot ang angkas sang motorsiklo samtang gindala pa sa ospital ang driver apang ginbawian gid sang kabuhi.
Pahayag ni Petalco, may yara naman sang settlement sa tunga sang pamilya sang mga biktima kag ang driver sang PUJ gani wala na sang matabo nga kinasuhay.
