ILOILO CITY- Naglab-ot sa 87,678 ka mga benepisyaryo sang Pantawid Pamilyang Pilipino Program (4P) sa Western Visayas ang nakakas na sa listahan.
Sa interview sang Bombo Radyo kay Atty. May Castillo, spokesperson sang Department of Social Welfare and Development (DSWD) Region 6, iya ginpahayag nga ang nasambit nga numero sang mga households ang makabig na nga non-poor.
Suno kay Castillo, ginbase ini sa data base sang ‘Listahanan’ ukon ang ginpatigayon nga house to house assessment sang mga katapo sang DSWD Region 6.
Yari ang numero sang households nga nataktak sa 4Ps beneficiaries per province:
1.Iloilo-24,476
2.Negros Occidental-23,687
3.Capiz-18691
4.Antique-8829
5.Aklan-8692
6.Guimaras-3303
