ILOILO CITY–Ginkakibot naman sang mga empleyado sang Iloilo Provincial Capitol matapos gingamit ang pangalan ni Gov. Arthur Defensor Sr. sa pagpanonto sa restaurants sa syudad sang Iloilo.
Ang food reservations gikan sa lima ka restaurant ang nagabalor sang kapin 13,000 pesos.
Magluwas diri, may lima man ka phone numbers nga nagpadala sang load request sa load retailers kag nagpakilala nga staff ni Defensor.
Ang load request ang nagabalor sang 9,000 pesos.
Gilayon naman nga gin-athag sang executive assisstant ni Gov. Defensor nga si Jezza Nepomoceno nga indi matuod nga ang gobernador ang nag-order sang pagka-on, ilimnon kag load.
Sa subong, yara sa Metro Manila ang gobernador para sa isa ka official trip.