ILOILO CITY- Nakahanda nga maghatag sang suporta kag ayuda sa mga biktima ang pamunuan sang Vallacar transit.
Ini ang may kaangtanan sa nagluntad nga pagkahulog sang ceres bus sa pil-as sang Brgy. Igbucagay Hamtic Antique.
Sa interview sang Bombo Radyo kay Jan e Seballos, legal and media relations manager sang Vallacar transit, iya ginpahayag nga magahatag sila sang suporta sa pamilya sang mga biktima kun sa diin 200,000 ang ihatag sa pamilya sang napatay.
Suno pa kay Seballos nga yara pa nagapabilin sa hospital ang driver kag konduktor sang ila Ceres Bus.
Samtang ginpahayag man niya nga magapatigayun man sila sang ila kaugalingon nga imbestigasyon magluwas sa imbestigasyon nga ginhimo sang mga otoridad.
