ILOILO – Kapin sa isa ka bilyon ka pesos ang balor sang kahalitan tuga sang weak El Niño sa probinsya sang Iloilo.
Suno kay Provincial Agriculturist Dr. Ildefonso Toledo, santo sa March 31, 2019 nga report, nagalab-ot na sa 26,000 ka ektarya sang humayan ang apektado sang tig-ilinit.
Ginpahayag man ni Dr. Toledo nga halos tanan nga banwa ang apektado ilabi na anga mga rainfed farming.
Sa subong, ginahulat pa sang Provincial Agriculture Office ang suhestyun ni Department of Agriculture Secretary Emmanuel Piñol tuhoy sa pagpatigayon sang cloud seeding.
Nagalaum na lang si Toledo nga indi maglawig ang El Niño kag temprano pa nga maga-umpisa ang tig-ululan.
