Carles, Iloilo – Ginatos ang nagtambong sa ginpatigayon nga labing una nga War on Drugs Rally sa Carles, Iloilo.
Sa interview sang Bombo Radyo kay Jessica Francisco sang HUES International kag amo ang nagpanguna sa aktibidad, iya ginpahayag nga nangin pilot municipality sang War on Drugs Rally sa probinsiya sang Iloilo ang Carles bangud sa pagtuman sang banwa sa mga programa sa away batok sa iligal nga druga.
Ginlunsyar man sa nasambit nga kahiwatan ang Barkada Kontra Druga.
Magluwas diri, ginpatigayon man ang pagpahayag sang commitment sang mga barangay kag nagkalain-lain nga sektor sa kampanya agud tapna-on ang illegal drugs.
Ang nasambit nga aktibidad ang ginpasakupan naman sang Local Government Unit (LGU) sang Carles, mga tiglawas sang Department of Interior and Local Government (DILG), Deaprtment of Health (DOH), Philippine Drug Enforcement Agency (PDEA) kag iban pa nga mga non-governmental agencies.
Target sang grupo nga magpatigayon sang War on Drugs Rally sa tanan nga banwa sa probinsiya sang Iloilo.
