CARLES, ILOILO – Padayon nga nagapanindugan si Carles, Iloilo Mayor Siegfredo “Salagunting” Betita nga indi siya protektor sang iligal nga droga.
Ini bangud nga gina-angot siya sa gihapon ni Presidente Rodrigo Duterte nga nalakip sa narcolist.
Siegfredo Betita
Sa interview sang Bombo Radyo kay Mayor Betita, iya liwat nga ginpanginwala ang akusasyon sa iya sang Presidente.
Suno sa alkalde, indi siya drug protector kag indi man siya mangin isa ka drug protector.
Una na nga ginpahayag ni Betita nga isa sa ginalantaw niya nga rason kun nga-a nalakip siya sa narco-list amo nga malayo na niya nga himata ang ginpatay nga no. 1 drug lord sa Western Visayas nga si Melvin Betita Odicta Sr.
