ILOILO – Nagpanugyan ang Provincial Commision on Elections (Comelec) sa mga pulitiko kag kandidato para sa nagahilapit nga eleksyon nga likawan ang pagpangampanya sa Huwebes Santo kag Byernes Santo sa masunod nga semana.
Sa interview sang Bombo Radyo kay Atty. Roberto Salazar, provincial Comelec supervisor, iya ginpahayag nga ginakabig nga iligal ang pagpangampanya sa mga nasambit nga adlaw.
Ini ang santu man sa Comelec election code nga may yara sang penalidad nga paga-atubangon ang kandidato nga naglapas sa pagsulundan.
Nagpanawagan man si Salazar sa publiko nga kun may yara sang kandidato nga nagapangampanya sa Huwebes kag Byernes Santo, mahimo nga kuhaan ini sang litrato ukon video bilang ebidensya kag i-report sa tagsa ka mga municipal election officers ukon sa Comelec.
