GUIMARAS – Nagpaandam ang Guimaras Police Provincial Office (GPPO) sa publiko nga magataklad sa Balaan bukid sa Huwebes kag Byernes Santo.
Sa interview sang Bombo Radyo kay Guimaras Police Provincial Office (GPPO) Director Colonel Julio Gustilo Jr., iya ginpahayag nga ginadumilian ang pagdala sang back pack; matalom nga pagkabutang; paghaboy sang basura kag pagpanigarilyo.
Magluwas sini, nagpanugyan man ang GPPO sa publiko nga indi magsuksok sang alahas; indi magdala sang dako nga kantidad sang kwarta; magdala sang tubig; magsuksok sang kaangay nga bayo kag indi magdala sang gamay nga bata sa pagtaklad sa bukid.
May mga personnel man nga magahatag sang seguridad sa Guimaras lakip na ang mga pulis, mga barangay tanod kag civil organizations.
Nagalaum si Gustilo nga mangin zero major incident ang probinsya sang Guimaras.
