ILOILO CITY--Magapabilin nga normal ang byahe sang Ceres bus subong nga adlaw Huwebes Santo sa pila ka mga terminal sa palibot sang syudad.
Sa interview sang Bombo Radyo kay Edgar Tomido isa ka dispatser, iya ginpahayag normal pa ang byahe subong apang bwas sa Byernes Santo, may yara sang gamay nga adjustments sa byahe.
Suno kay Tomido sa bwas, magasugod las 5:00 sa aga ang ila byahe humalin sa 2:30 nga aga nga regular nga byahe kag magatakop naman ini depende sa pagbubo sang mga tawo nga magapadulong kag magapauli sa Iloilo.
Pahayag pa ni Tomido dapat magbyahe man sang temprano ang mga pasahero agud timprano paman sila makaabot sa ila pagakadtu-an.
