ILOILO CITY-– Nag-umpisa na subong nga adlaw ang pagdeliver sang tubig sa mga identified areas sa syudad sang Iloilo nga may kakulang sa suplay sang tubig bangud sa El Niño.
Sa interview sang Bombo Radyo kay Iloilo City Mayor Jose Espinosa III, iya ginpahayag nga gamitun nila ang isa ka water tanker sang syudad agud makapanghatag sangtubig sa mga apektado nga mga pumuluyo.
Suno kay Espinosa ginpangabay kuntani sang Bureau of Fire Protection (BFP) nga sa mga fire hydrants nalang makuha sang tubig.
Apang sang nahibaluan niya suno sa alkalde nga nagapanghatag sang libre nga potable water ukon matinlo nga mainom nga tubig ang Flowater Resources Incorporated sa pagpanguna ni Dr. Rogelio Florete chairman emeritus sang Florete group of companies, nahisugtan nila nga magkuha na lang diri sang suplay sang tubig nga ipanagtag sa mga pumuluyo.
Samtang sa interview sang Bombo Radyo kay Iloilo City Lone District Congressman Jerry Treñas, iya ginpahayag nga wala na sang rason nga ipamilit pa ni Espinosa nga magdeklarar sang state of calamity ang syudad sang Iloilo bangud may yara man ang Flowater nga magahatag sang libre nga tubig.
Maathag suno sa kongresista, nga ginalagas gid sang iya bilas nga alkalde ang P125 million nga pondo nga para kuntani sa calamity fund.
Pat-od suno kay Trenas nga gamitun ini ni Espinosa ang kwarta sa pamulitika.
