ILOILO CITY– Ginpaidalom sa Disaster preparedness Rescue and Relief Operations training ang mga pulis sa Western Visayas kasunod sang natabo nga linog sa pila ka bahin sang Visayas kag Luzon.
Ang nasambit nga training ang ginpasakupan sang 41 ka mga police personnels nagikan sa nagkalain-lain nga police stations lakip na ang mobile group sang Police Regional Office (PRO)6.
Suno kay PRO 6 Spokesperson Police Lt. Col. Joem Malong, tinutuyo sang nasambit nga training amo ang paghimo sang isa ka search and rescue team sa tagsa ka police stations sa pananglitan may yara sang trahedya ukon emerhensya.
Ginhanas naman sang mga katapo sang Bureau of Fire Protection (BFP) ang mga kapulisan sa rope course kag high angles rescue nalakip na ang boat handling, life saving techniques kag collapsed structure search and rescue.
