ILOILO – Interesado nga mahibaluan sang Police Regional Office (PRO 6) ang koneksyon sang New People’s Army sa isa ka partylist group nga natukiban sang damlag lang nga may leaflets ini sa kuta mismo sang rebelde nga grupo.
Sa interview sang Bombo Radyo kay PRO 6 Director Police Brigadier Gen. John Bulalacao, iya ginpahayag nga mahimo ginapangampanyahan sang rebelde nga grupo ang AAMBIS-OWA.
Apang ang ginakabalak-an lamang ni Bulalacao kun ngaa ang nasambit nga partylist group lamang ang ginakampanyahan sang NPA.
Sa subong, padayon ang imbestigasyon sang mga otoridad agud nga mahibaluan kun ano ang matuod sa tunga sang NPA kag AAMBIS-OWA.
