DUMANGAS ILOILO- Luwas na sa katalagman ang driver sang isa ka salakyan nga naaksidente sa Brgy. Pagdugi, Dumangas, Iloilo.
Sa interview sang Bombo Radyo kay Police Master Sergeant Kim John Banson, imbestigador sang Dumanggas Municipal Police Station, iya ginpahgayag nga padulong sa bahin sang Barotac Nuevo ang nasambit nga salakyan kag nagsaylo sa pihak nga lane.
Sang nagsaylo sa pihak nga lane ang salakyan, nakabunggo ini sa puno kag nakasagaid sa pader sang isa ka balay.
Mahimo naman suno kay Banson nga madasig ang pagpadalagan sang salakyan ukon may mechanical trouble rason nga naaksidente ini.
Gina-usisa pa sang otoridad ang tuhoy sa natabo nga insidente.
