ILOILO CITY- May yara na sang ginapilian ang Police Regional Office (PRO) 6 kun sin-o ang ipahamtang nga bag-o nga director sa Guimaras Police Provincial Office (GPPO).
Ini matapos nga ginrelieve si Police Colonel Julio Gustilo, kag sayluhon sa PNP-Aviation Security Group sa Pasay City.
Sa interview sang Bombo Radyo kay PRO 6 Spokesperson Joem Malong, iya ginpahayag nga may yara sa subng sang nagapungko bilang Officer-In-Charge sa GPPO, kag sang nagpamangkot siya sa Regional Personnel and Human Resource Development Division may yara naman sila sang ginapilian kun sin-o gid ang magapungko sa nabakante nga posisyon ni Gustilo.
Samtang may yara man sang ginaluman suno kay Malong nga Provincial Director nga nakatalana man nga irelieve bangud nagpungko na ini sang masobra isa ka tuig kag anom ka bulan sa ila posisyon kag luyag man nila malikawan ang makabig familiarization sa mga kandidato partikular na sa mga incumbent subong nga nagahilapit na gid ang piniliay.
