ILOILO CITY— Nakapauli na kahapon nga adlaw ang mga atleta sang Region 6 nga nagtiglawas sang Western Visayas sa Palarong Pambansa 2019 sa Davao City.
Sa interview sang Bombo Radyo kay Mr. Nick Valenzuela, training director sang athletes and coaches sa Western Visayas, iya ginpahayag nga nagpauli na sa tagsa-tagsa nila ka probinsya ang mga atleta.
Suno kay Valenzuela, ang mga nagdaog sa athletics secondary ang may yara pa sang hampang sa Association of South East Asian Nations (ASEAN-YOUTH) nga hiwatun sa Jakarta Indonesia sa ulihi nga semana sang bulan sang Hunyo ukon sa una nga semana sang bulan sang Hulyo.
Pahayag pa ni Valenzuela , kun sa diin nga lugar naghalin ang gold medalist, ini nga lugar ang iya nga itiglawas.
