Nagpaandam ang Commission on Elections (Comelec) sa mga botante nga likawan ang over vote ukon ang pagboto sang sobra sa May 13 midterm elections.
Suno kay Comelec-Education and Information Director Atty. Frances Arabe, indi mapuslan ang boto kun mag over vote bangud indi ini pag-isipon sang machine indi kaangay kun under vote ukon kulang ang ginboto.
Panugyan ni Arabe sa mga botante, magdala sang kodigo ukon listahan sang ila luyag nga botohon sa Mayo 13.
Suno kay Arabe, indi lamang oras ang makinot sang isa ka botante sa baylo napanumduman naman sang maayo sang botante ang kandidato nga ila naluyagan.
Dugang pa sang natungdan, importante ang tagsa ka boto sang tawo para sa buwas damlag sang pungsod sa diin nagakadapat nga mangin mahinalungon ang tagsa ka tawo sa pag-shade sa balota.
