ILOILO CITY– Nagdeploy sang dugang nga pulis and Iloilo Police Provincial Office (IPPO) sa 5th district sang Iloilo para sa midterm elections.
Suno kay IPPO Spokesperson Police Captain Antonio Monreal, ang dugang nga 318 ka mga pulis sa quinto distrito ang kabahin sang pagpasiguro sang kalinong kag katawhay sa adlaw sang piniliay.
Nahibaluan nga nalakip sa watchlist sang Commission on Elections (Comelec), Armed Forces of the Philippines (AFP) kag Philippine National Police (PNP) ang banwa sang Lemery, Sara, Estancia kag Carles nga nahamtang sa kinto distrito.
