JARO ILOILO CITY– Dakop sa ginpatigayun nga buy bust operation sang Philippine Drug Enforcement Agency (PDEA) 6 kag Iloilo City Police Drug Enforcement Unit ang isa ka lalaki sa Barangay Balabago, Jaro, Iloilo City.
Ang subject ang ginkilala amo si Red M. Flores, 22 anyos samtang narescue naman ang 16 anyos nga menor de edad.
Nakuha kay Flores ang duha ka dalagko nga sachet sang ginapatihan dried marijuana leaves nga nagabug-at sang 10 grams, isa ka medium plastic sachet sang ginapatihan marijuana seeds kag buy bust money.
Magapangatubang naman si Flores sang kaso nga paglapas sa sections 5 kag 11 sang RA 9165 ukon Comprehensive Dangerous Drugs Act of 2002.
