SARA, ILOILO – Na-operahan na si Punong Barangay Ronie Dorde sang Preciosa, Sara, Iloilo matapos ginluthang sang rinding-in-tandem kahapon nga adlaw.
Sa interview sang Bombo Radyo kay Emy Dorde, tiayon sang Punong Barangay, iya ginpahayag nga nagapaayo-ayo na ang iya bana matapos nga maka-angkon sang pilas sa nawala nga kilid.
Bag-o pa man ang insidente, nakabaton na sang pamahog sadto pa ang iya bana.
Sang Abril 29 suno kay Dorde, nagpatigayon sang caucus ang grupo ni Retired Major General Jon Aying sa ila lugar sa diin nakumpirma nga may yara sang dala nga armas ang mga tinawo sang nasambit nga mayoralty candidate.
Nakabaton man sila sang impormasyon suno sa natungdan nga bisan ano ang matabo, patyon gid ang iya bana.
Bag-o pa man nadulaan sang pangalibutan sa ospital, nakabuya pa snag pahayag ang punong barangay nga kun tani, pahamtangan sang security escort ang palibot sang ospital kag amo man ang palibot sang ila balay sa Preciosa, Sara, Iloilo.
