techblade.ph
Ginpasiguro ni Outgoing Iloilo City Mayor Jose Espinosa III nga wala sang mga department heads sa Iloilo City Government nga ginpilit niya nga magkampanya para sa iya kandidatura sa pagka-alkalde sang tinalikdan nga eleksyon.
Sa interview sang Bombo Radyo Iloilo kay Espinosa, iya ginpahayag nga kun may mga department heads man nga nagsuporta sa iya, ini ang hugot sa ila tagipusuon.
Suno kay Espinosa, kun may yara man sang ginatudlo nga mga department heads nga kaangay nga nagatuman sa iya, ini kabahin lang sang ila responsibilidad kag pagsunod sa mga plano kag katuyuan sang alkalde bilang pinakamataas nga opisyal sang Iloilo City.
Una diri, nagpaandam si Congressman Jerry Treñas sa mga department heads nga ginpahayag nagpagamit kay Espinosa sang eleksyon nga mahimo na ang mga ini mag-amat-amat sa pag-resign sa ila mga posisyon bangud kun indi,sila ang pasakaan sang kaso.
