ILOILO CITY– Ginpasidunggan ang Bombo Radyo Iloilo bilang isa ka pinakamasaligan kag pinaka epektibo nga medium sang paghugpong sang komunidad sa ginpatigayun nga 1st SANAG Media Award sa University of San Agustin
Sa interview sang Bombo Radyo kay Miss Hyacinth Bangero, ang Assistant Director sang Philantropic and External Alumni Relations, iya ginpahayag nga ang nasambit nga pasidungog ang pagkilala man sa hinimu-an sang Mass Media sa Iloilo.
Isa man ini ka paagi agud magpalab-ot sang Unibersidad ang pagkilala sa mga katapo sang media nga may daku nga katungdanan sa pagpalapnag sang husto nga balita.
Nahibaluan nga ang Bombo Radyo Iloilo ang nagapabilin nga No. 1 Radio Station sa bilog nga Iloilo.
