Wala sang plano ang Department of Education (DepEd) nga kuhaon ang K to 12 program sa pihak sang nagalapta nga sala nga impormasyon ilabi na sa social media.
Suno sa DepEd, indi nila mahimo nga mauntat ang programa bangud may yara na ini sang layi nga Republic Act No. 10533 ukon “Enhanced Basic Education Act of 2013.”
Dugang pa sang ahensya, masobra 2.7 ka milyon na sang estudyante ang nakapulos sang programa matapos makabaton sang “free or highly-subsidized” senior high school education sa mga pampubliko kag pribado nga mga buthuan sa bug-os nga pungsod.
Nagapati ang DepEd nga indi mangin maayo ang resulta ukon sistema sang edukasyon sa pungsod kun ibasura ang nasambit nga programa.
