ILOILO CITY – Ginklaro sang Police Regional Office (PRO) 6 ang rason saa tuyo nga pag-relieve kay Police Major Marlon Valencia, hepe sang Mandurriao Police Station.
Sa interview sang Bombo Radyo kay PRO 6 Spokesperson Police Lt. Col. Joem Malong, iya ginpahayag nga wala nadayon ang relieve order ni Valencia bangud nga atrasado ang clearance gikan sa Commission on Elections (COMELEC) kag sang May 20 lang ini napagwa.
Suno kay Malong, sang nahibaluan ni PRO-6 Director Police Brigadier General John Bulalacao ang tuhoy diri, gilayun man nga gin-cancel ukon gin-recall ang relieve order ni Valencia.
Ginpahayag man ni Malong nga may nabatun nga reklamo sang ‘electioneering’ batok kay Valencia apang wala man sang nagakaigo nga ebidesya.
Sa subong suno sa natungdan, magapabilin nga hepe sang Mandurriao Police Station si Valencia.
