ILOILO CITY – Ginbasura sang Iloilo City Council ang hingyo ni Iloilo City Police Office (ICPO) Director Police Lt. Col. Martin Defensor Jr. nga ideklarar bilang persona non grata ukon indi welcome ang mga myembro sang Communist Party of the Philippine-New People’s Army (CPP-NPA) sa Syudad sang Iloilo.
Ginbasura sang Iloilo City Council ang hingyo ni Iloilo City Police Office (ICPO) Director Police Lt. Col. Martin Defensor Jr. nga ideklarar bilang persona non grata ukon indi welcome ang mga myembro sang Communist Party of the Philippine-New People’s Army (CPP-NPA) sa Syudad sang Iloilo.
Suno kay Councilor Plaridel Nava, majority floor leader sa konseho, iya ginpahayag nga mangin ang kongreso ang indi mahimo maka deklarar sang persona non grata sa mga rebelde.
Ginpahayag ni Nava nga wala sang rason agud ideklarar nga persona non grata ang mga rebelde bangud wala man ang mga ini sang ginhimo nga terorismo sa Syudad sang Iloilo.
Bilang majority floor leader sa konseho suno kay Nava, wala ini sang nakita nga rason agud hatagan sang igtulupangod ang hingyo ni Defensor.
Matandaan nga si Nava kag Lt. Col. Defensor ang nag angkon sang indi pag intindihanay matapos nga ginpasibangdan sini ang konsehal nga amo ang utok sa pagpatay sa pakaisa sini nga si Mercedes ‘Ging-ging’ Nava kaupod ang abyan sini nga si Erwin Fontillas sa Calajunan Mandurriao Iloilo City.
