ILOILO CITY – Nag-apply sa Commission on Higher Education (CHED) ang 23 ka mga private higher education institution sa Western Visayas agud nga magpasaka sang tuition fees sa pagbukas sang klase.
Sa interview sang Bombo Radyo kay Dr. Rex Casiple, Chief Education Program Specialist sang CHED, iya ginpahayag nga 22 lamang ang ila gin-aprub kag ginpasa sa national office nga mahimo makapasaka sang tuition fees kag subject man ini for approval sa nasambit nga opisina.
Suno kay Casiple, mangin basehan sa pagsaka sang tuition fee amo ang 5.9% nga inflation rate sang rehiyon.
Mahimo dugang pa sang natungdan nga magtaas ang tuiton fee sang private higher education institution sa 5%.
Gin-athag man ni Casiple nga ang mga pampubliklo nga state universities and colleges ang free tuition sa gihapon.
