ILOILO – Magapatigayon sang Job Fair ang Public Employment Service Office (PESO) sa Hunyo 7, 2019.
Sa interview sang Bombo Radyo kay Francisco ‘Bombet’ Heler Jr., pinuno sang PESO sa probinsya sang Iloilo, iya ginpahayag nga may yara sang kabug-osan nga 41,473 ka mga job vacancies nga mahimo ma applyan sang mga nagapangita sang trabaho.
Suno kay Heler, may yara sang 155 ka mga kompaniya nga magabuylog sa job fair sa diin may yara sang 8,263 ka mga local job vacancies kag 33,210 ka mga job orders.
May yara man sang libre nga sakay sa adlaw sang Job Fair sa mga banwa sang Anilao, Brtc. Viejo, Cabatuan, Estancia, Igbaras, Janiuay, Lambunao, Miag-ao, Leon, Maasin, Sta. Barbara, Tubungan kag Zarraga para sa mga mapadulong sa provincial capitol agud magpangita sang trabaho.
Panugyan ni Heler, sa luyag nga mag apply, magdala sang madamo nga resume, certificate of employment kag clearances.
Maga-umpisa ang Job Fair, las-8 sang aga kag magatakop las-5 sang hapon.
