ILOILO CITY – Nagapanawagan ang Philippine Army sa tanan nga kwalipikado nga aplikante sa Western Visayas nga maluyag magkuha sang Armed Forces of the Philippines Service Aptitude Test.
Ang Philippine Army ang magapatigayon sang Pre-screening kag registration sa
604th Community Development Center sa syudad sang Iloilo nga nahamtang sa likod sang Iloilo Sports Complex.
Ang Pre-screening kag registration ang patigayunon sa Hunyo 17 tubtub 21, 2019, 8:00 sa aga tubtub 4:00 sa hapon.
Suno kay Staff Sergeant Christian Llanes sang Recruitment and Army Personnel Management Center 6 sang Philippine Army, nagakadapat nga dal-on sang mga aplikante ang mga ginahingyo nga rikisitos.
Lakip sa mga qualifications sa Officer and Candidate Course amo ang mga may yara sang baccalaureate dengree, 21 tubtub 29 anyos, nagataas sang 5’0 feet sa lalaki kag babayi kag indi pa kasalkag wala sang anak.
Para sa Officer Preparatory Course, nagakinahanglan nga graduate sang Probationary Officer Training Course kag may reserve rank nga 2LT, may yara sang baccalaureate degree, 21 tubtub 33 anyos kag nagataas sang 5’0 feet sa lalaki kag babayi.
Para sa Candidate Soldier Course, nagakadapat nga may yara sang at least 72 units sa kolehiyo, para sa mga High School ukon Senior High School graduate, nagakadapat nga may yara sang certified skill nga kinahanglan sang isa ka suldado, 18 tubtub 25 anyos,nagataas sang 5’0″ sa lalaki kag babayi kag wala nakasal kag wala sang anak.
Lakip sa mga requirements amo ang orihinal nga birth certificate halin sa Philippine Statistics Authority (PSA), Diploma, Transcript of records, isa ka valid identification card kag isa ka 2X2 photo.
