Tuyo nga dugangan sang Land Transportation Office (LTO) Region 6 ang 10 ka mga functional alcohol breathalyzers bilang preparasyon para sa palaabuton nga paskwa.

Ini bangud nga gina-eskpektar sang nasambit nga ahensiya nga madamo sila sang madakpan nga nagamaneho nga yara sa impluwensiya sang makahulubog nga ilimnon.

Sa interview sang Bombo Radyo kay Atty. Gaudioso Geduspan II, Regional Director sang Land Transportation Office 6, iya ginpahayag nga posible nga magapangatubang sa RA 10586 ukon ang Anti-Drunk and Drugged Driving Act of 2013 kag mapriso kun sin-o man ang madakpan.

Ginpahayag ni Geduspan nga gamay pa lang ang ila nadakpan sa subong bangud ginasiguro gid nila nga naga-function kag husto ang breathalyzers nga ila ginagamit.

Dugang pa ni Geduspan, patigayunon nila ang full implementation sang RA 10586 sa masunod nga sinemana.