NORTH FUNDIDOR MOLO ILOILO CITY- Wala sang narekord nga kaso sang dengue sa Brgy. North Fundidor Molo Iloilo City.
Sa interview sang Bombo Radyo kay Punong Barangay Leo Aristosa, iya ginpahayag nga ang zero nga kaso sang dengue sa ila barangay ang tungod man sa pagbinuligay sang tagsa ka pumuluyo nga matinluan ang ila mga ugsaran kag panimalay.
Suno kay Aristosa, ginamonitor man nilakun may yara sang ginapatihan dengue cases sa ila barangay bangud may yara man sila sang sentro.
Nagapatigayun naman sila sang pagpaninlo sa iban pa nga lugar sang barangay agud malikawan ang pagduging sang makahalalit nga lamok nga nagadala sang dengue.
May yara naman sila sang ginahimo nga tikang agud malikawan ang pagtiner sang stagnant water.
Ginahingyo naman niya ang iya mga pumuluyo nga padayunon ang pagpaninlo sa panimalay kag palibot agud malikawan ang sakit nga dengue.
