ILOILO – Gindeklarar na ang dengue outbreak sa probinsya sang Iloilo.
Sa interview sang Bombo Radyo kay Iloilo Gov. Arthur ‘Toto’ Defensor Jr., iya ginpahayag nga indi problema ang calamity fund sa probinsya bangud may yara pa man sang source nga mahimo makuhaan sang emergency purchase para sa mga dengue cases.
Suno kay Defensor, ang Eexecutive Order nga ginpaguwa ang nangin basehan sang Sangguniang Panlalawigan sa pagdeklarar sang dengue outbreak.
Samtang, kadungan sang ginpatigayon nga pagsinapol sang mga alkalde sang mga kabanwahanan sa probinsya kaupod ang gobernador, ila nakasugtan nga magpatigayon sang clean up drive kada Sabado nga adlaw agud matapna ang pagsaka sang kaso sang dengue.
Suportado naman ni Dr. Glen Alonsabe, ang pinuno sang Regional Epidemiology and Surveillance Unit sang Department Of Health (DOH) Region 6 ang lihok sang probinsya sa diin nagabulig man ang ahensya sa mga kinahanglanon lakip na ang kemikal para sa spray nga makapatapna sa pagdamo sang mga lamok.
Nagapanagtag man ang DOH sang mga Intravenous (IV) Fluid sa mga ospital para sa mga pasyente nga may balatian nga dengue.Dr. Glen Alonsabe, chief of Regional Epidemiology and Surveillance Unit of Department Of Health (DOH) Region 6
