ILOILO CITY- Padasigon ni Iloilo City Mayor Jerry Treñas ang pagpakaayo sang mga gubaon nga mga pasilidad kag equipment sa sulod sang Iloilo City Hall.
Sa iya nangin mensahe sa flag-raising ceremony, ginpahayag ni Mayor Treñas nga iya na ginmanduan ang bag-o nga building administrator nga si Mitch Antiqueña tuhoy sa pagpakaay-o sang gubaon nga mga aircon kag iban nga kagamitan antes magtakop ang bulan sang Hulyo.
Samtang, hatagan man sang prayoridad sang alkalde ang pag-rehabilitate sang gubaon nga slaughterhouse kag mga merkado publiko sa Syudad sang Iloilo pinaagi sa Public- Private Partnership (PPP).
Ginpahayag man sang opisyal, nga tutukan man niya ang pag-improve sang dalagan sang trapiko nga madugay na nga gina-agunto sang mga motorista kag mga pumuluyo.
