ILOILO CITY- Ginaduso sang Makabayan bloc sa Kamara si Bayan Muna Representative Carlos Zarate agud magpapili bilang masunod nga House Speaker.
Sa interview sang Bombo Radyo kay Zarate iya ginpahayag nga luyag nila maghimo sang political statement nga dapat magpanindugan ang Kamara santo sa kun ano ang nagakadapat.
Luyag man nila nga ang masunod nga House Speaker ang makahibalo manindugan para sa pumuluyo sang pungsod.
Suno pa kay Zarate nga sa tanan nga blocs sa Kamara sila lang ang solid ukon undivided bangud nga ang iban ng blocs ang may yara sang may pagbahin-bahinay bangud man sa ila tagsa ka mga political kag economic interest.
Gin-athag man sang natungdan nga wala sila sang may ginasuportahan sa mga kandidato nga matunog ang pangalan nga magapapili bilang House speaker.
Mahimo suno sa iya nga numbers game ang matabo sa speakership race apang himuon man nila ang ila masarangan sa Makabayan Bloc bangud solid man sila sa gihapon tubtob sa subong.
Bantayan nalang suno sa kongresita ang resulta sang nominal voting sa nasambit nga posisyon sa pagbukas sang 18th Congress sa Hulyo 22.
Gintuad man sang natungdan nga wala siya sang ihibalo tuhoy sa isyu nga may nagalagaw nga kwarta sa Kamara para sa pagka House Speaker.
