ILOILO CITY – Ginadumilian ang paggamit sang vapes kag e-cigarette sa mga lugar man nga ginadumilan ang pagpanigarilyo.
Ini santu sa Administrative order 2019-0007 nga naga-ban sa paggamit sang vapes kag e-cigarettes sa pampubliko nga lugar.
Sa interview sang Bombo Radyo kay John Richard Lapascua, Senior Health Program Officer sang Department of Health (DOH) Region 6, iya ginpahayag nga mahimo makaangkon ang tawo nga nagapanigarilyo sang oral cancer ilabi na ang mga naga edad 20-anyos panubo bangud indi pa pormado ang ila frontal lobe nga naga kontrol sang “happiness” kag “stimulation”.
Suno kay Lapascua, kaangay sang mga sigarilyo, ang vape kag e-cigarette ang maka-aladik man sa diin indi ini mahapos nga tapnaon.
Nagpanugyan man ang DOH sa mga nagabaligya sang vape kage-cigarette nga magkuha sang Certificate of Product Registration sa Food and Drug Administration (FDA) agud nga makabig nga safe ini gamiton sang tawo.
Nagpangabay man ang ahensya sa mga Local Government Unit (LGU) nga magpatuman sang ordinansa nga ginatawag “comprehensive ordinance” nga naga-regulate sa pag-vape kag pagpanigarilyo sa tagsa ka mga lugar.
