Tattoo is art, ini ang suno sa mga tawo nga nagapa tattoo ukon may pika sa ila lawas.
Dugang pa, ini ang pamaagi agud ma express nila ang ila kaugalingon.
Sa Kaliningrad, Russia may yara sang isa ka lalaki nga masami nagapa pika sa iya nga lawas.
Ini ang ginkilala nga si Adam Curlykale 32-anyos, suno kay Curlykale, nag-umpisa siya nga magpa tattoo sang sya ang 20-anyos matapos sya ang ma diagnosed nga may yara sang colon cancer kag may yara man sya sang albinism kun sa diin ang parte sang pigmentation sang iya nga panit ang amat-amat nga nagadula.
Umpisa sadto, nangin hobby na ni Curlykale ang magpa pika bangud suno sa iya ini ang paagi nya agud makalimtan ang iya nga balatian.
Sa subong dako na ang nangin pagbag-o nya bangud ginabanta 90% na sang lawas nya ang may yara sang pika.
Halin sa iya nga guya, abaga kag may yara man sa iya nga mata gamit ang jet black ink.
Magluwas sa mga pika, may yara man sya sang tuhog sa nagkalain-lain nga parte sang iya lawas.
Sa pihak sang mga negatibo nga opinyon sang tawo sa iya, suno kay Curlykale indi sya apektado sini kag sya ang magapadayon nga magpabutang sang tattoo tubtob nga mapuno ang iya bilog nga lawas.
