Mahilig ka bala magkaon sang mga makahang nga pagkaon?
Kun gusto mo makakaon sang pinaka makahang nga dulce, tilawan mo ang Lil’Nitro sang Flamethrower candy company sa Missouri sa US.
Ang isa ka gummy bear masami matam-is kag paborito nga kaunon sang mga bata apang ang Lil’Nitro nga isa man ka gummy bear indi matam-is kundi pwerte ini ka kahang.
Ang nasambit nga dulce ang ginakabig ‘900 times hotter than a Jalapeno’ nga isa sa pinaka makahang nga pepper sa bilog nga kalibutan.
Ang isa ka bilog nga Lil’Nitro ang tama na agud mabatyagan mo ang tuman ka kahang daw kaangay sa gina tutdan sang kalayo ang imo bibig ini suno sa mga nakatiaw.
Ang Lil’Nitro amo ang raspberyy flavoured apang indi mo masaboran ang raspberry bangud tuman ini ka kahang.
Kung gusto mo makakaon sang pinaka makahang nga dulce ang Lil’Nitro ang bagay sa imo apang indi ini advisable para sa mga bata.
